Show Times
Not Currently Scheduled.About the Show
Frame of Mind ass eng Self-Reflection Show bei Graffiti, de Jugendsendungen um Radio ARA. Si leeft all Donneschde vun 14 bis 15 Auer, a gëtt moderéiert vum Vicky. Frame of Mind heescht iwwersat “Geeschteszoustand” – genee dëse gëtt awer hei net bewäert. Et gëtt dozou motivéiert déi eege Liewensastellung zu bestëmmte sozialpsychologeschen Theme ze iwwerdenken. Firwat gëtt ee süchteg, wéi entsteet Angscht, wéi packe mer et mat eis selwer zefridden ze sinn? Spannend Invitéen, ewéi Experten zu spezifeschen Themen, oder Jugendlecher déi iwwert hier eegen Erfarung schwätze, ginn der Sendung nach eng extra speziell Nout. Zum Schluss bleift da just nach d’Fro: Bass du méi staark wéi däin eegene Mindset?
Episodes
Host
Nee zu Gewalt géint Fraen! Als Special zu der Orange Week war de Service Log in am Interview – Hei gëtt alles gemaach, fir virun haislecher Gewalt ze schützen: Preventioun, Schutz an engem Foyer, an e psychosozialen Encadrement. Alles zu Grenzen an der Bezéiung an zu de Mesuren déi et ginn, fannt dir an dëser […] […]
Wie kennt et net? Et fillt ee sech provozéiert, eng Bomm ass amgaangen an d’Luucht ze goen, an da kënnt de Sproch “Do muss du einfach driwwer stoen”. Dobäi kuckt deen, deen driwwer steet, automatesch op den aneren erof. Net immens sympathesch. Ausserdeem fannen an dëser Konstellatioun eege Gefiller keng Wäertschätzung. Kommunikatioun op Aanhéigt, dat […] […]
An dëser Episod erzielt eis de Planning Familial alles iwwert ongeplangte Schwangerschaften: Wie kritt bei mannerjärege Persounen no der Schwangerschaft d’Suergerecht vum Kand? Wat ginn et fir Alternativen zur Ofdreiwung? Wéi leeft esoueng iwwerhapt of? Ausserdeem gitt dir alles iwwer Babyklappe gewuer. […]
Schonn emol eppes vu Meditatioun héieren? Autogenen Training? Yoga? Hei gitt der d’Ënnerscheeder gewuer, a mir maachen zesummen eng Seance Autogenen Training. […]
Bezuele mam Smartphone, Kaart am Restaurant liese mam Smartphone, Bestellung ofhuele mam QR-Code um Smartphone…. A spéitstens elo ass eis bewosst: Op de Smartphone bewosst verzichten oder en einfach emol doheem loosse gëtt ëmmer mei onbequeem. Mëscht dat eis elo zu Smombies? Wéini ass et ongesond, a wéi kënne mer de Gebrauch esou steieren dass […] […]
Angscht ass normal. Mee wat ass, wann een Angscht virun der Angscht huet, a vu lauter Panik net méi virun d’Dier geet? An dëser Episod léiere mer iwwert d’Geschicht vun der Angscht, an 10 Manéiere fir domat ëmzegoen. […]
Bei Impulsivitéit denke mer séier un e Feilchen, Boxhännchen an un eng Ambulanz. Impulsivitéit bedeit awer net automatesch Aggressivitéit. Aus engem Impuls eraus reagéiere mer all. Mee wéi emgi mer virschnell Décisiounen? […]
Biller vum Krich, negativ Kommentarer a co. Wéi geet ee mat den negative Säite vu Social Media em? […]
